परिचय

सुधीर साळवी (भाऊ)

सुधीर साळवी हे शिवसेना (उद्धव बाळासाहेब ठाकरे) पक्षाचे सचिव असून पक्षप्रमुख मा. उद्धव बाळासाहेब ठाकरे यांच्या नेतृत्वाखाली पक्षाच्या राज्यस्तरीय संघटनात्मक कामाची जबाबदारी त्यांच्याकडे आहे. जिल्हा व शाखा पातळीवरील समन्वय, कार्यकर्ता बांधणी आणि पक्षाच्या धोरणांची अंमलबजावणी हा त्यांच्या कामाचा मुख्य भाग आहे.

लालबाग-परळ हा मुंबईचा गिरणगाव — कष्टकऱ्यांची, मराठी माणसाची भूमी. याच मातीत जन्मलेले आणि वाढलेले साळवी शिवसेनाप्रमुख मा. बाळासाहेब ठाकरे यांच्या विचारांनी प्रेरित होऊन तरुण वयातच सार्वजनिक जीवनात आले. स्थानिक शाखा कार्यापासून सुरुवात करत त्यांनी संघटनेत टप्प्याटप्प्यानं विविध जबाबदाऱ्या सांभाळल्या.

शिवसेनाप्रमुख मा. बाळासाहेब ठाकरे यांचे विचार, पक्षप्रमुख मा. उद्धव बाळासाहेब ठाकरे यांचं नेतृत्व आणि युवासेना प्रमुख मा. आदित्य ठाकरे यांच्या पुढाकारानं संघटनेशी जोडली जाणारी नवी पिढी — या तिन्हींची सांगड घालत पक्षाचं काम तळागाळापर्यंत पोहोचवण्यावर त्यांचा भर आहे.